Verse
Im Rothus
Der Hodu luegt zu de Finanze,
doch die Finanze si am Ranze.
Derbi het är d Finanze wöue,
wüu är am schnäuschte chöni zöue.
D’Kolly isch vou in Ekstase
dä Knascht git e Woufüeu-Oase.
Für die Gescht dört, das si Vagante
täts au e Billigvariante.
Der Ankli tuets scho deprimiere,
dass är nid z’Bärn darf go regiere.
Dört chönnt är sich so schön entfaute,
doch leider blibt haut aus bim Aute.
Bir Wyss und ihrer Usglichskasse
tuet me nid schaffe sondern jasse.
Um dä Saftlade z’aktiviere,
mues me ne zersch mou d’Löhn haubiere.
D’Schaffner sig schins chli e Zicke
chönn zwüschedüre rächt usticke,
drum duet dört ständig s Personau go,
nume der Eng, dä hockt no gäng do.