Verse
Skandal in Soledurn
In Soledurn steit d Wirthe läär,
jo d Beize die heis mega schwär.
Wöu s Personau isch immer knapp,
ir Gastro mache aui schlapp.
Damit das Huus wider floriert,
wüsste mir es Gwärb wo räntiert.
Die Froue vo dr Löiegass,
die hätte ou ir Wirthe Spass.
Skandau - am Märetplatz!
Skandau - dört wohnt mi Schatz!
Skandau - in Honolulu!
Dört dusse vor dr grosse Stadt,
stoht eini sech jetz d Füess ou platt.
Dr Dänkmauschutz interveniert,
wenn d Abrissbire z fescht vibriert.
Postplatz, Aarestäg und meh,
überau chasch Fähler gseh.
Wär isch do ächt der Versager?
Aui wüsses d Lenggenhager.
Skandau - im Stadtbouamt!
Duet go - us ihrem Amt!
Skandau - in Honolulu!
Obwou nöii Plakat scho hange,
muess dr Ankli gäng no bange.
Är weiss nid wies witer got,
gwäut isch jetz d Franziska Roth.
Bir FDP isch Füür im Dach.
Jo die Partei het intern Krach.
Nur eini weiss wies würklech got,
Steffi Ingold Bundesrot!
Skandau - bir FDP!
Skandau - ke Wähler me!
Skandau - in Honolulu!