Verse
Im Süde
Südlech vo der Aare jo do hei si ständig Krach.
Es geit nid um die Solarpänel dörte uf em Dach.
Schregi Vögu, vöu Gekreische und derzue no Dräck.
Süsch wärs doch bir Hafebar e wunderschöne Fläck.
So chas nüme witergoh, e Lösig muess jetz cho.
Mir wüsste no e Fachperson, - wo chönt härestoh.
Sie verschücht das Fädervieh wo dört so lut duet pöble,
Erfahrig hätt am Pirmin sini Frau mit schwarze Vögle.