Verse
Heisse One
Zäh früschi Meitschibei, het der Müller gmacht,
do chunt der Wöfu, frisst grad zwöi, jetz sis nur no acht.
Acht blutti Meitschibei, heis ar Aare tribe,
eis isch derbi is Wasser gheit, drum sis nur no sibe.
Sibe chrummi Meitschibei, die hei e Komplex,
eis wott jetzt haut e Spitzbueb si, drum sis nur no sex.
Sächs frommi Meitschibei, die hei ministriert,
zwöi hei X-Bei übercho, jetz si sie no z viert.
Vier sexy Meitschibei, schmuuse chli im Höi,
zwöi si de grad uf s Standesamt, so blibe nur no zwöi.
Zwöi strammi Meitschibei gö ufe Wyssestei,
eis bricht sechs Bei, chunt nümme hei, so blibt no eis elei.
Eis einsams Meitschibei schliicht zum Müller zrugg,
dört wartet jo der Wöfu no und putzt au das no furt.