Verse
Bloss e chli Fasnacht
Du bisch närvös, weisch nid was isch do los,
ghörsch schregi Tön und e Knau.
Mir weiss dir säge, jo d Narre si los
und das isch au ke Zuefau.
Nach drü länge Johr, mou würklech s’isch wohr.
Bloss e chli Fasnacht und s Narreliecht das brönnt.
Bloss e chli Fasnacht, wo eim der anger könnt.
Und wenn au Äschermittwuch gli scho vor der Türe stoht,
mache mir das d’Fasnacht no chli witer goht.
Zuegäh, mir si zwar 50gi aber noni aut.
Los mou, s’isch langsam Zyt isch ächt der Wyss scho chaut?
Chum mir gö ufd Gass und tanze dür die ganzi Nacht.
Fraue tänzle, Zünftler schwänzle, z Honolulu.
Bloss e chli Fasnacht, wo üs so glücklech macht.
Bloss e chli Fasnacht, wo üses Füür entfacht.
D Sorge gö vergässe, s wird dir wohlig warm ums Härz.
Wenn du ghörsch de Schnitzubänkler ihri Värs.
Lue mou, dä Wage isch dr absoluti Wahn.
Los mou, vo dere Gugge si mir mega Fan.
Gohts im Stedtli usnahmswis fidel und lustig zue,
sis bim Nöcherluege sicher d Fasnächtler gsi.
Gniesset die Fasnacht, lueget si isch e Pracht.
Fyret die ganz Nacht, so dass es richtig kracht.
Jubiläum mit öich fire het üs so Spass gmacht.
Danke für die tolli Zyt und gueti Nacht.