Verse
Kameutriber
Der Scheff-Scheich und der Blatter Sepp dä aut Narr,
rite dür d Wüeschti vo däm heisse Katar.
Nid ufem Dromedar,
nei im ne Jaguar,
das isch der Afang vom WM Desaschtar.
Der Scheff-Scheich meint zum Sepp: das isch doch zaubar.
Und Schutte do i mim Katar zuemuetbar.
Spöter uf em Bazar,
do fliesse de d Dollar,
so wird d Fuessbau WM für Katar machbar.
Der Blatter Sepp bechunt de plötzlech Katarrh,
und isch für die MaFIFA nümme tragbar.
Der Infantino gar,
dä fingt das wunderbar,
de nid nur si Glatze isch gschmiiret, dasch klar.
Wenn d Sunne hüt ufgoht im schwüle Katar,
zöut der Scheff-Scheich im Boudoir sini Dollar.
Tröimt es wär wunderbar,
sicher verhandubar,
im Juli e Schi-WM do in Katar.