Verse
Glyhberächtigung
Glychberächtigung für aui, het für d SP zöut,
drum hei sie für d Bundesrotwau zwöi Fraue nur ufgstöut.
So het der Dani Jositsch überhaupt ke Chance gha.
Wöu är isch optisch gseh haut nur e stinknormale Ma.
Damit är gäg die Frauepower cha konkurriere,
tuet är bi sich «das Weib im Manne» reaktiviere.
Är füeu sich nünzg Prozänkt aus Frou und nume zäh aus Ma,
är sig ke Ladykiller, sondern dänk d Helvetia.