Verse
Worst case
De Amis ihrem Presidänt, däm chasch nid zuelose.
Dä wächslet sini Meinig meh no aus d Ungerhose.
Ou d Brite hei mit ihrem Premier es rise Malheur.
Wöu der Johnson und der Trump hei nid nur der glich Coiffeur.
Dr Putin und dr Kim Jong Un, die beide si chli gstört.
Lö Journaliste lo verschwinde, das isch unerhört.
Dä Saudis ihre Chronprinz, jo dä duets sogar wage,
loht sini Gägner heimlech kille und no versage.
Und z China dörfe d Mönsche gar ke eigni Meinig ha.
D Regierig überwacht dört s Vouk mit hufe Kamera.
Drum liebi Soledurner gniesset öichi Zyt no chli,
wär weiss was öich erwartet nach der Ära Kurt Fluri.