Verse
Voliere
Im Nationaurot und im Stöckli,
chräie jez nüm vöu auti Böckli.
Der Sturm Greta het se verblose.
Für d Mitti isch die Wahl id Hose.
Die fromme Amsle chöi no singe
und mit de Flügu kräftig schwinge.
Doch vili liberali Stare,
chöi sich der Flug nach Bärn jez spare.
Ou d Rotbrüschtli die nätte Lingge,
chöi nüm jedem as Schwänzli gingge.
Bir SVP de rächte Geier,
dört gits gäng no z vöu fuuli Eier.
Jetz pipse jungi grüeni Wybli,
so linggi Pseudofriedenstübli.
Tüe die Grüenschnäbu schlächt regiere,
chasch se i vier Johr kompostiere.