Verse
Casting
Üsi Stadt brucht dringend nöii Schnitzubänkler ar Fasnacht.
Wases zwingend brucht si Pointe, dermit au mou eine lacht.
Früecher hets di glüpft ab Härdöpfusalat vom Niki Ruscht,
hüt chasch singe über d Greta und übere Klimafruscht.
Für Ideeä z sammle geisch am Samstimorge mou z Märet.
Luegsch de dört grad e chli ume wär e nöie Hächu het.
Und wenn niemer fingsch wo denne zu der Reihe us duet tanze,
singsch haut wider es paar Zile überem Wöfu si .... Bricht.
Zwar wei mir gäng no die beschte si, die schönschte si mer au.
Die angere si nid aui so, doch das isch üs egau.
Hauptsach es git nöii Schnitzubänk, drum chöit dir aues bringe.
Süsch chöme plötzlech no Gränchner zu üs übere cho singe.