Verse
Brexit
Mir hei öich übere Brexit au mau e Värs wöue singe.
Aber do drüber cha me jo würklech gar nüt nöis me bringe.
Mit em Johnson blibt das Ganze s gliiche huere Dürenang.
Si si jez no zäme oder si si de scho usenang?
Und das ine use, ine use, ine use go,
jo das chönte de döu Lüt vilich au no chli fausch verstoh.
So ne Trennig vo der EU das goht nid eifach easy.
Wöu wär dusse isch, isch nümme din, au nid es bitzeli.
Der Prinz Harry und si Meghan, jo die zwöi si konsequänt,
säge bye bye, göh, au wenn ne s Gäud de vilech nüme längt.
Aber d Brite und d EU die wei enang jo nid los lo,
drum chöi mir mit üsem Brexitvärs im 30gi wider cho.