Verse
Klimastreik
D Greta Thunberg isch am WEF, seit dört dene Bänze,
wäge der Klimaerwärmig dueni gäng Schueuschwänze.
In Soledurn si mir glich wit, d Schüeuer gö uf d Stross.
D Ufregig zum Klimawandu die isch riesegross.
D Gletscher schmöuze, d Meer düe stiige, Wasser überau.
Wenns Thermometer ufe geit, ischs für d Wäut e Quau.
Im Summer wird’s de bsungers schlimm, denn schmüuzt nid nur der Schnee:
Ir Badi: Alarmstufe rot – s schmüuzt s Suterpraliné.
Heit dir es Déjà-vu erläbt, chunt euch das schwedisch vor?
Nachhautig si mer, singe euch e Värs vom letschte Johr.